Office & Staff

የኢሚግሬሽን ሕግ ጠበቃ የሚ ጌታቸውና ባልደረቦችዋ

21 ዓመት በላይ በከፍተኛ ችሎታ ፍጹም ርህራሄ በተሞላበት አቀባባል የጥብቅና አገልግሎት ስንሰጥ ቆይተናል

የየሚ ጌታቸው የኢሚግሬሽን ሕግ ቢሮ የአሜሪካ የኢሚግሬሽን ሕጎች ምን ያህል ውስብስብና የሚያጨናንቁ ሊሆኑ እንደሚችሉ በደንብ ያውቃል፡፡ አገልግሎት እየሰጠን በቆየንባቸው በእነዚያ በርካታ ዓመታት ውስጥ ተቋማችን ምቹ እና እንክን የለሽ በሆነ መልኩ በመላው ዓለም የሚገኙ አመልካቾች አሜሪካን አገር ለመኖር የሚያስችላቸውን ሁኔታ በማስተካከል ሲረዳ ቆይቷል፡፡ ከመካከለኛው ምስራቅ፣ ከአፍሪካ፣ ከአውሮፓ፣ ከአውስትራሊያ፣ ከመካከለኛውና ከደቡብ አሜሪካ እንዲሁም ከእሲያ የመጡ ደንበኞቻችንን በሚገባ አስተናግደናል፡፡

ለማንኛውም ጉዳይ ስኬታማነት ቁልፉ ነገር የተደረገው የዝግጅት መጠን ነው፡፡ በተቋማችን ለሚያዘው እያንዳንዱ የሕግ ጉዳይ የምንጠቀመው አካሄድ ጥልቅና ባለብዙ ገጽታ ነው፡፡ የአገር ሁኔታን የሚመለከት ሰፊ ጥናት (ምርምር) ከማካሄድ ጀምሮ የተገኙ ፍሬ ነገሮችን እና የሕግ ትግበራን በሚመለከት ዝርዝር ግምገማ እስከማድረግ ድርስ የምንሄድ ሲሆን የደንበኛችንን ጥቅም ለማስጠበቅ ከዚያም በላይ በመሄድ የማንፈነቅለው ድንጋይ አይኖርም፡፡ ጉዳይዎትን ተማምነው በእኛ ላይ ሲጥሉት እኛም ይህን እንደ ትልቅ አደራ ከመውሰዳችን በተጨማሪ ጉዳዮ በባለሙያ እንደተያዘና የሚቻለው ነገር ሁሉ እየተደረገ መሆኑን ቅድሚያ የምንሰጠው የሥራ ጉዳያችን ይሆናል፡፡

ከመላው ዓለም ለሚመጡ አመልካቾች ጥብቅና የምንቆም ኃይለኛ የሕግ ተከራካሪዎች ነን

የአሜሪካ ዜጋ ወይም ሕጋዊ ቋሚ ነዋሪ በሆኑ ዘመዶችዎ በኩል የሚደረግ የድጋፍ ተጠሪነት (sponsorship) ሂደትን፣ በአሜሪካ የፖለቲካ ጥገኝነት የማግኘት ጥያቄን፣ የዜግነት ወረቀቶችን ለራስዎም ሆነ ለቤተሰብዎ ማግኘትን፣ውጤታማ የሆነ ከአገር ማባረርን መከላከያ (removal defense) ስልት መንደፍን፣ ወይም በመጋፈጥ ላይ ያሉትን ማንኛውንም የሕግ ጉዳይ በሚመለከት በትጋት የሚሰራው የሕግ ቡድናችን እርስዎን ወደ ፈለግት መፍትሔ ሕጉ በሚፈቅደው መንገድ ሊረዳዎ ዝግጁ ነው፡፡ ተቋማችን እርስዎን እንዴት ሊረዳዎት እንደሚችል ተጨማሪ ዝርዝር መረጃዎችን ለማግኘት በድረ ገጹ መጀመሪያ ላይ በመሔድ ስልክ (408) 212-0829 ወይንም ኢሜል info@ethiopianattorney.com ያድርጉልን

የመስሪያ ቤቱ አጠቃላይ ገጽታ

የተረጋገጠ ውጤት ያስመዘገበች በታማኝነት የምታገለግል የሳን ሆዜ የኢሚግሬሽን ጠበቃ

ቢሮአችንን ከከፈትንበት ከ1988 (እ.ኤ.አ. ከ1996) ዓ.ም. ጀምሮ እውቀትና ልምድ ያካበተችው ጠበቃችን እና ሠራተኞቻችን በሺዎች የሚቆጠሩ ግለሰቦች እና ቤተሰቦች የኢሚግሬሽን እንቅፋቶቻቸውን አሸንፈው ስኬታማ እንዲሆኑ ረድተዋል፡፡ በአገራቸው የተፈጸመባቸውን ማሳደድ በመሸሽ ጥገኝነት የሚጠይቁ ግለሰቦችንም ሆነ የተማሪ ቪዛ ወይም ቋሚም ይሁን ጊዜያዊ የሥራ እድሎችን ለማግኘት የሚጥሩ ግለሰቦችን እንዲሁም ከአገር በማባረር/በማስወጣት (removal/deportation) ሂደት ላይ እንዲሆኑ ተደርገው አሜሪካ ውስጥ ለመቆየት በመታገል ላይ ያሉ ግለሰቦችን ወይም የአሜሪካ ዜጋ እና ሕጋዊ ቋሚ ነዋሪ (ባለ አረንጓዴ ካርድ) የሆኑ ሰዎች ዘመዶች ስለመሆናቸው ማመልከቻ የቀረበባቸው ቤተሰቦችን ጨምሮ- የሕግ ቢሮአችን በርህራሄ እና በከፍተኛ ችሎታ ስደተኞችን በታማኝነት ያገለግላል፡፡

በማህበረሰባችን ውስጥ ደንበኞቻችንን ወክለን ለእነርሱ በመታገል መልካም ስም ገንብተናል፡፡ ከአፍሪካ፣ ከመካከለኛው ምስራቅ፣ ከመካከለኛው እና ከደቡብ አሜሪካ፣ ከአውሮፓ፣ ከእስያ እና ከአውስትራሊያ የመጡ ደንበኞቻችን ጋር በመሥራት ያካበትነው ልምድ ደንበኞቻችንን ለማስተናገድ የሚያስፈልጉትን በቀላሉ የማይታዩ የትርጉም ወይም የአገላለጽ ልዩነቶችን (nuances) እና ስሜት መጠበቅን (sensitivity) እንድንለማምድ አግዞናል፡፡

አሰራራችን

ማንኛውንም ጉዳይ ከመያዛችን በፊት ወዳጃዊ የሆኑ የየሚ ጌታቸው የኢሚግሬሽን ሕግ ቢሮ ሠራተኞች የምክር አገልግሎት የሚሰጥበት ቀጠሮ ይይዙልዎታል፡፡ በቀጠሮውም የሳን ሆዜ የኢሚግሬሽን ጠበቃችን ጊዜ ወስዳ እርስዎን ታናግርዎታለች፣ ፍላጎቶችዎን ታዳምጣለች፣ ሰነዶችዎትን ትመረምራለች፣ ሁሉንም ጥያቄዎችዎትን ትመልሳለች እንዲሁም ያሉበትን የግል ልዩ ሁኔታ ግምት ውስጥ በማስገባት ያጋጠመዎትን የኢሚግሬሽን ችግር ለማሸነፍ ያሉትን ከሁሉም የተሻሉ አማራጮች ታብራራልዎታለች፡፡ ለምክር አገልግሎት $150 የአሜሪካ ዶላር የምናስከፍል ሲሆን የእርስዎ ጠበቃ ሆነን ጉዳይዎን ከያዝነው ይሄው ክፍያ ከሚከፍሉት አጠቃላይ ክፍያ ላይ ተቀናሽ ይሆናል፡፡ ግልጽ እና ትክክለኛ መረጃን በሚገባ መልኩ መስጠት ስኬታማ ውጤት ለማምጣት የመጀመሪያውና እጅግ ጠቃሚ የሆነው እርምጃ መሆኑን እናምናለን፡፡

የመስሪያ ቤታችን ባልደረቦችን ተዋወቁ

የሚ ጌታቸው-ዋና ጠበቃ

የሚ ጌታቸው ተወልዳ ያደገችው አዲስ አበባ፣ ኢትዮጵያ ነው፡፡ ራሷ ስደተኛ በመሆኗ ውስብስብ ሂደቶችን ከሁለቱም አቅጣጫ ትረዳቸዋለች፡- እንደ ስደተኛ እና እንደ ጠበቃ፡፡ ሥራዋን በሁለት ቁልፍ ምሰሶዎች ገንብታለች፡- ርህራሄ እና ከፍተኛ ችሎታ፡፡ በእነዚህ ምሰሶዎች በመመራት በሺዎች የሚቆጠሩ ከአፍሪካ፣ ከመካከለኛው ምስራቅ፣ ከመካከለኛው እና ከደቡብ አሜሪካ፣ ከአውሮፓ፣ ከእስያ እና ከአውስትራሊያ የመጡ ግለሰቦች እና ቤተሰቦች በስኬታማነት ሰፊ የሆኑ የተለያዩ የኢሚግሬሽን እንቅፋቶችን እንዲያሸንፉ ረድታለች፡፡

የሚ ያደገችው በኢትዮጵያ ሲሆን ጨካኝ የኮሚዩኒስት ወታደራዊ መንግስት በስልጣን ላይ በነበረበት ጊዜ ነበር፡፡ ራሷ የሰብአዊ መብት መደፈሮች human rights indignations ያጋጠሟት ሲሆን በአካባቢዋ በሰፊው ለተካሄደው ማሳደድም የአይን እማኝ ናት፡፡ በእነዚያ ፈታኝ ጊዜዎች የተገነዘበችው ነገር ሕጎች ቢኖሩም እንኳን ለሕጎቹ ማስፈጸሚያ የሚሆኑ የዳኝነት አሰራር ሂደቶች ባለመኖራቸው ምክንያት ሕብረተሰቡ በሕጎቹ ለመገዛት ፈቃደኛ እንዳይሆን የሚያደርግ ውጤት ማሰከተሉን ነው፡፡ ከዚህ በመነሳት ነው የሚ ተጋላጮች ተገቢ የሕግ ከለላ የማግኘት መብቶቻቸው (due process rights) እንዲከበሩላቸው ለማድረግ ኃይለኛ ተሟጋች ለመሆን የወሰነችው፡፡

ወደ አሜሪካ ከመሰደዷ እና የራሷን የኢሚግሬሽን ሕግ አገልግሎት መስጫ ከመጀመሯ በፊት የሚ ከአዲስ አበባ ዩኒቨርሲቲ ተመርቃ ነበር፡፡ በ1988 (እ.ኤ.አ. በ1996) በሳን ሆዜ፣ ካሊፎርኒያ ውስጥ የኢሚግሬሽን ሕግ አገልግሎት መስጠት ጀመረች፤ በአለማችን ዙሪያ ያሉ ስደተኞችን ከጥገኝነት፣ ከአገር ማባረርን ከመከላከል፣ ቤተሰብ ላይ ከተመሰረተ ኢሚግሬሽን፣ ከቀሪ ማስደረጊያዎች (waivers)፣ ከዜግነት እና ዜግነት ከማግኘት ጋር የተያያዙ ሂደቶች በጠበቃነት ወክላለች፡፡

በአሁኑ ጊዜ የሚ የአሜሪካ የኢሚግሬሽን ጠበቃዎች ማህበር ሳንታ ክላራ የ2017-2018 ሊቀ መንበር ስትሆን ባለፉት ሶስት ዓመታት በተለያዩ ደረጃዎች የአስፈጻሚ ኮሚቴው አካል ሆና ቆይታለች፡፡ በተጨማሪም ከአገር ማባረርን (removal) መከላከልን በሚመለከት (Asian Law Alliance) በአማካሪነት እና በምክር ጠቋሚነት (Mentor) በማገልገል ላይ ትገኛለች፡፡ የሚ የሥራ ባልደረባዎቿ በኢሚግሬሽን ሕግ አገልግሎት አሰጣጥ ላይ ልቀው እንዲገኙ የምትገፋፋ በመሆኑ ብዙ ጊዜ እንደ አነቃቂ ተደርጋ ትገለጻለች፡፡ ፍትሕ አናሳ አቅም ላላቸው ሰዎች ተደራሽ እንዲሆን ለማድረግ አንዳችም እድል የማያመልጣት ከመሆኑ የተነሳ በነፃ ለሚሰጡ አገልግሎቶች በታታሪነት የምትጋደል ናት፡፡ በተለይም በዲሊ፣ ቴክሳስ በሚገኘው የካራ ነፃ የሕግ አገልግሎት ፕሮጀክት (Cara Pro Bono Project) ላይ ለብዙ ጊዜ ስታገለግል ቆይታለች፤ በየዓመቱ በሚከናወነው የጠበቆች ማህበር የበጎ ፈቃደኛ ክሊኒኮች ውስጥ ለሰባት ዓመታት የበጎ ፈቃደኝነት አገልግሎት ሰጥታለች፤በቤተ ክርስቲያኖች እና በቤተ መቅደሶች መብቶቻችሁን እወቁ በሚል አዘውትራ ንግግር ታደርጋለች፤ ለሌሎች የኢሚግሬሽን ጠበቃዎች በተደጋጋሚ የነፃ የሕግ አገልግሎቶችን መርታለች፤ በግሏ በመቶዎች የሚቆጠሩ በችግር ላይ የነበሩ ግለሰቦችን በጥብቅና ወክላለች፡፡ ከኢሚግሬሽን ሕግ ባሻገር በአሜሪካ ውስጥ በሚገኙ የስደተኛ ሕብረተሰቦች ዘንድ እጅግ ተፈላጊነት ያላት ለወጣቶች እና ለታዳጊዎች መንፈስ አነሳሽ ተናጋሪ (motivational speaker) ናት፡፡ ከዚህም ሌላ ስኬታማ ባለሙያዎች ለመሆን ለሚጥሩ ስደተኛ ተማሪዎች ምክር ጠቋሚ (mentor) በመሆን በመቶዎች የሚቆጠሩ ሰዓቶቿን ለበጎ ፈቃደኝነት አገልግሎት ስታውል ቆይታለች፡፡ የሚ በኢትዮጵያ ሕብረተሰብ ውስጥ ደግሞ በአሜሪካ ድምጽ ሬዲዮ የአማርኛ መርሃ ግብር ላይ ወቅታዊ የኢሚግሬሽን ጉዳዮችን በሚመለከት ለበርካታ ጊዜዎች ቃለ መጠይቆች ተደርገውላታል፡፡

የሚ ከሕግ ዲግሪዋ በተጨማሪ በጋብቻ እና ቤተሰብ ሕክምና (Therapy) የማስተርስ ዲግሪ አላት፡፡ በዌስተርን ሴሚነሪ ውስጥም በሕግ እና በስነ ምግባር ጉዳዮች በተጨማሪ (Adjunct) ፕሮፌሰርነት አገልግላለች፡፡

ስለ የሚ እና ስለ ቀሪዎቹ የየሚ ጌታቸው የኢሚግሬሽን ቢሮ ቡድን አባሎቻችን ተጨማሪ ለማወቅ እባክዎን (408) 212-0829 ላይ ይደዉሉልን፡፡

ሞኒካ ስፒትዘር-ተባባሪ ጠበቃ

ሞኒካ ስፒልትዘር ተቋማችንን የተቀላቀለችው በ2009 ዓ.ም. (እ.ኤ.አ. በ2017) ነው፡፡ የጂዮርጂያ ግዛት ዩኒቨርሲቲ ኮሌጅ የ2005 ዓ.ም. (እ.ኤ.አ. የ2013) የሱማ ኩም ላውድ ማለትም በጣም ከፍተኛ ማዕረግ ተመራቂ ስትሆን በዚያው በጂኤስዩ የሕግ መጽሔት ለሚታተሙ የተማሪ ጽሑፎች በተባባሪ አርታዒነት አገልግላለች፡፡ በሕግ ትምህርት ቤት በነበረችበት ጊዜ የጆርጂያ የጥገኝነት እና የኢሚግሬሽን ቅንጅት በተባለው የሰበዊ መብት ድርጅት ውስጥ አግለግላለች፡፡ ይህ ተቋም ጥራት ያለው ነፃ የሕግ እርዳታ የሚሰጥ ሲሆን በተለያየ ችግር ውስጥ የሚገኙ አምልካቾችን የሚረዳ ድርጅት ነው፡፡ ሞኒካ በጥገኝነት ጉዳዮች፣ በዩ ማለትም ወንጀል የተፈጸመባቸው ሰዎች ቪዛዎች፣ በቲ ማለትም ያላግባብ ከአገር አገር ላልባሌ ነገሮች የሚዳረጉ ቪዛዎች፣ በቪኤደብልዩ የራስ ማመልከቻ እና በአይ-751 ቀሪ ማስደረጊያዎች (waivers) ላይ ሠርታለች፡፡ አትላንታን ከለቀቀች በኋላ በካሊፎርኒያ የጥብቅና ፈቃድ አግኝታለች፡፡ ሞኒካ ፈረንሳይኛ የምትናገር ሲሆን እስፓንሽም ትሞችራለች፡፡

ሞኒካ ቢሮ ውስጥ በማትሆንበት ጊዜ ፈረስ መጋለብ እና ፈረስ የመግራት ስፖርቶች እና ክንውኖች ያዝናኗታል፡፡ የመጀመሪያ ዲግሪዋን ያገኘችው በዲኬተር፣ ጆርጂያ ከሚገኘው ከአግነስ ስኮት ኮሌጅ በዓለም አቀፍ ግንኙነት ነው፡፡

ማርታ አበባው-የሕግ ረዳት

ማርታ አበባው የሕግ ረዳት ናት፡፡ እርስዎ ወደ ቢሮአችን ሲደዉሉ ወይም በቀጠሮዎ ሲመጡ የሚሰሙት ወዳጃዊ ድምጽ የእርሷ ነው፡፡ ደንበኞቻችንም ሆኑ ቢሮ ውስጥ ያለነው በሙሉ መልካም እና ለሰው አሳቢ በሆነው ስብዕናዋ ተስበናል፡፡ የሕግ ትምህርት በኢትዮጵያ የተማረችና በሕግ ጠንካራ ዳራ ያላት ሲሆን የፓራሊጋል መርሃ ግብር ለመከታተል ታስባለች፡፡

ሄለን ተሰማ-የቢሮ አስተዳዳሪ

የቢሮ አስተዳዳሪያችን የሆነችውን ሄለን ተሰማን ያግኟት፡፡ በአየር መንገድ ኢንዱስትሪ ውስጥ በደንበኞች አገልግሎት ሰፊ የሥራ ልምድ ይዛ መጥታለች፡፡ በተለያዩ መንገዶች የቢሮአችን ሥራ እንዲካሄድ ታደርጋለች፤ በተለይም ወግ አዋቂነቷ ሁልጊዜም እንድንስቅ ያደርገናል፡፡

More than Qualified & Capable of Handling Your Case

What Sets the Yemi Getachew Immigration Law Office Apart?
  • Compassionate Legal Guidance

    We strive for excellence in every immigration case handled. Rest assured that we will go above and beyond in pursuing the best interests of you, and your family when you turn to our firm.

  • Tireless Immigration Advocate

    In addition to being an experienced immigration lawyer, Attorney Yemi Getachew is also a proud executive committee member of the Santa Clara Valley American Immigration Lawyers Association.

  • Representing Clients Across the Globe

    Throughout our years in practice, we have had the privilege of obtaining legal immigration status for individuals from the Middle East, Europe, Asia, Africa, Central and South America, and Australia.

  • Individualized Attention for Every Case

    When you put the Yemi Getachew Immigration Law Office on your side, we devote ourselves to providing you with the personalized representation and one-on-one attention deserved throughout your case.

Request a Consultation Today

Connect with an Attorney at Our Firm
    • Please enter your name.
    • This isn't a valid phone number.
    • Please enter your email address.
      This isn't a valid email address.
    • Please make a selection.
    • Please enter a message.